വൃക്ക മാറ്റിവെയ്ക്കാനാകാതെ ജോണ്‍ യാത്രയായി, ഔദ്യോഗിക രേഖകള്‍ വൈകി

July 23, 2011 at 7:15 am | Posted in BULLY | Leave a comment

എരുമപ്പെട്ടി (തൃശ്ശൂര്‍): വൃക്ക മാറ്റിവെയ്ക്കുന്നതിനുള്ള ഔദ്യോഗിക നടപടികള്‍ നീണ്ടതോടെ ശസ്ത്രക്രിയയ്ക്കുമുമ്പ് രോഗി മരിച്ചു. എരുമപ്പെട്ടി കുന്നത്തേരി റിട്ട. എയര്‍ഫോഴ്‌സ് ഉദ്യോഗസ്ഥനായ ചെമ്മണ്ണൂര്‍ ആന്റണിയുടെ മകന്‍ ജോണ്‍(26) ആണ് മരിച്ചത്. എറണാകുളം ലേക്‌ഷോര്‍ ആസ്പത്രിയില്‍ ചികിത്സയിലായിരുന്ന ജോണ്‍ ആരോഗ്യനില മോശമായതിനെത്തുടര്‍ന്ന് വ്യാഴാഴ്ച രാത്രി മരിച്ചു.

ആഗസ്ത് 3ന് വൃക്ക മാറ്റിവെയ്ക്കല്‍ ശസ്ത്രക്രിയ നിശ്ചയിച്ചിരുന്നു. കിഡ്‌നി ഫെഡറേഷന്‍ ഓഫ് ഇന്ത്യയുടെ വൃക്കദാനശൃംഖല പദ്ധതിയിലൂടെയാണ് വൃക്ക മാറ്റിവെയ്ക്കല്‍ ശസ്ത്രക്രിയയ്ക്കുള്ള നടപടികള്‍ നീക്കിയത്. കൊല്ലം അഞ്ചല്‍ സ്വദേശി ജേക്കബിന്റെ ഭാര്യ ആശയാണ് ജോണിന് വൃക്ക നല്‍കാന്‍ തയ്യാറായത്.

വൃക്കമാറ്റിവെയ്ക്കല്‍ ശസ്ത്രക്രിയ നടത്തും മുമ്പേ ജേക്കബ് മരിച്ചുവെങ്കിലും ആശ വൃക്കദാനത്തിന് മുന്നോട്ട് വരികയായിരുന്നു. ജോണിന്റെ അമ്മ ജെസ്സി മറ്റൊരാള്‍ക്ക് വൃക്ക ദാനം ചെയ്യാനും തയ്യാറായിരുന്നു.

ശസ്ത്രക്രിയയ്ക്കുമുമ്പ് രേഖകള്‍ ശരിയാക്കുന്നതിലുള്ള താമസമാണ് ജോണിന് വിനയായത്. മുപ്പതോളം രേഖകള്‍ ശരിയാക്കേണ്ടതുണ്ട്.

ശസ്ത്രക്രിയയ്ക്ക് നിയമപ്രകാരമുള്ള രേഖകള്‍ വൈകിയതാണ് രോഗിയുടെ അവസ്ഥ ഗുരുതരമാകാന്‍ കാരണമായത്. അഞ്ച് മാസം മുമ്പാണ് ജോണിന് ഇരു വൃക്കകളും തകരാറിലായത്. ഡയാലിസിസ് നടത്തിവരികയായിരുന്നു. ജോണ്‍ എരുമപ്പെട്ടി 33 കെ.വി. വൈദ്യുതിസ്റ്റേഷനിലെ താല്‍ക്കാലിക ജീവനക്കാരനായിരുന്നു. അമ്മ ജെസ്സി വടക്കാഞ്ചേരിയില്‍ കെ.എസ്.ഇ.ബി. ഉദ്യോഗസ്ഥയാണ്. സഹോദരി അജിത റെനില്‍.

വൃക്കദാനവുമായി ബന്ധപ്പെട്ട നിയമപരമായ നൂലാമാലകള്‍ നീക്കുന്നതിന് സര്‍ക്കാര്‍ അടിയന്തരമായി നടപടിയെടുക്കണമെന്ന് കിഡ്‌നി ഫെഡറേഷന്‍ ഓഫ് ഇന്ത്യാ ചെയര്‍മാന്‍ ഫാ. ഡേവിസ് ചിറമ്മല്‍ ആവശ്യപ്പെട്ടു. വൃക്ക ലഭ്യമാകുന്ന അവസ്ഥയുണ്ടായിട്ടും രേഖകള്‍ ശരിയാകുന്നതിലെ താമസം രോഗികള്‍ക്ക് വിനയാകുന്നു. ക്രോസ് ഡൊണേഷനുവേണ്ടി ഏകജാലക സംവിധാനം ഏര്‍പ്പെടുത്താന്‍ നിയമം കൊണ്ടുവരണമെന്നും അദ്ദേഹം പറഞ്ഞു.ജോണിന്റെ മൃതദേഹം എരുമപ്പെട്ടി തിരുഹൃദയ ഫൊറോന പള്ളി സെമിത്തേരിയില്‍ സംസ്‌കരിച്ചു.
23 July 2011

Advertisements

Leave a Comment »

RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.
Entries and comments feeds.

%d bloggers like this: